Stiller Has – Löcher lyrics

[Verse a]
Luegit, wo der häretschaupet
Es hät nämlech löcher
Ds läben isch es löcherbecki
Löcher noch und nöcher

Es het löcher I de strasse
Es het löcher I de schue
Überall si numä löcher
U niemer tuet se zue

Ohh!
Hani am morge scho der chatzejammer
Will I sit geschtär nümm weis wenn u wie
Isch's whyski gsy, gin oder champagner
Es loch isch deet wo ds hirni sötti si

[Chorus]
Irgendwenn gheyt jeden emal düre, jüre
Irgendwenn stürzt jeden emal ab
U chunnt am andere ändi wieder fürä, jüre
Chratzt sich am gring u faht vo vorne wieder aa

[Verse B]
Dur ds januarloch isch öpper
Bis töif I früelig gheit
Dört het er depressione gschobe
Wills I'm mai no schneyt

Durs summerloch isch är när kroche
I herbscht wo d näbel walle
U dert gseht me nüt
Drum isch är o direkt is noije januarloch drygfalle

Us de nordwänd stürzen alpinischte
Wägemne loch ir kasse muess de kassier id chischte
Jede treit sys private loch durch ds läbe
Nume hase tüe sech ihri löcher selber grabe

[Chorus]
Irgendwenn gheyt jeden emal düre, jüre
Irgendwenn stürzt jeden emal ab
U chunnt am andere ändi wieder fürä, jüre
Chratzt sich am gring u faht vo vorne wieder aa

[Verse a]
Drum luegit!
Luegit, wo der häretschaupet
Es hät nämlech löcher
Ds läben isch es löcherbecki
Löcher noch und nöcher

S het löcher I de strasse
S het löcher I de schue
Überall si numä löcher
U niemer tuet se zue

[Outro]
Alles isch total verlochet
Der himmel het es loch
Isch es loch mit nüt drum ume
Eigentlech no es loch
Frage bohre mir I'm ohr
U löcher hets I'm chäs
I starre mir es loch id luft
U gibe no chli gas